2024-yil 16-19-sentabr kunlari Korrupsiyaga qarshi kurashish “Komplaens-nazorat” bo‘limi tomonidan Talabalar dekanati hamda tyutorlar bilan hamkorlikda Mirzo Ulug‘bek nomidagi Samarqand davlat arxitektura-qurilish universiteti birinchi bosqich talabalari hamda universitet qoshidagi litsey va texnikum talabalari ishtirokida uchrashuvlar tashkil etildi.

Uchrashuvlarda Korrupsiyaga qarshi kurashish “Komplaens-nazorat” bo‘limi tomonidan talaba-yoshlarning huquqiy ongi va huquqiy madaniyatini oshirish maqsadida amalga oshirilayotgan chora-tadbirlar, bu borada erishilgan ijobiy natijalar, yangi loyihalar haqida ma’lumotlar taqdim etildi.

Shuning bilan birga, mamlakatimizda korrupsiyaga qarshi kurashish sohasida amalga oshirilayotgan islohotlarning mazmun-mohiyati bilan talaba-yoshlar va pedagog-xodimlarni yaqindan tanishtirish uchun universitetda tashkil etilgan Korrupsiyaga qarshi kurashish “Talaba-yoshlar” klubi faoliyati bilan tanishtirildi.