Mirzo Ulug‘bek nomidagi Samarqand davlat arxitektura-qurilish universitetida bitiruvchi kurs talabalari uchun tajribali tadbirkorlar va korxona vakillari bilan uchrashuv tashkil etildi.

Tadbirda O‘quv ishlari bo‘yicha prorektor Mirolim Shodmonqulov, ARAM kompaniyasi direktori Zaxriddin Nosirov, “1000 ta Millioner” klubi asoschisi, “Rich Aroma” kompaniyasi bosh direktori Asadbek Ashurov, va “NeoARCH” arxitektura kompaniyasi rahbari Abdushakur Sulaymonov hamda bitiruvchi talabalar ishtirok etishdi.

Shuningdek, tadbirda 15 ta korxona vakillari qatnashib, o‘zlaridagi vakant bo‘sh ish o‘rinlari haqida ma’lumot berishdi. Ular bitiruvchilarga ishga qabul qilish imkoniyatlari va kelgusidagi hamkorlik yo‘nalishlari bo‘yicha fikr almashdilar.

Mazkur uchrashuv bitiruvchilarni bandlik va tadbirkorlikka yo‘naltirish, ularning kelajakdagi karyerasini rejalashtirish hamda real ish bozori talablariga javob beradigan mutaxassislarni tayyorlashga xizmat qildi.