Qozog‘istonning QozDAQAda bo‘lib o‘tgan DESIGN REVIEW 2024 boshlovchi arxitektor va dizaynerlar uchun xalqaro tanlovida Mirzo Ulug‘bek nomidagi Samarqand davlat arxitektura-qurilish universiteti talabalari muvaffaqiyatli ishtirok etishdi.

Arxitektura fakulteti talabalari – Muzaffar Abdurazzoqov, Kamola Mamedova, Sunnatjon Salimjonov, Tamila Karimova, Farzona Muhammadjonova, Bahodirxon Rahmatov va Nozima Rahmatullayeva final bosqichida o‘z loyihalarini taqdim etdilar. Ular sovet va postsovet davri uylari uchun inklyuziv muhit yaratishga qaratilgan 3 ta innovatsion arxitektura yechimlari bilan chiqish qilishdi.

Ushbu loyihalarni ishlab chiqishda universitet o‘qituvchilari Nataliya Drobchenko va Tuba Fazliagaog‘lu boshchiligida katta tadqiqot ishlari amalga oshirildi.

Bundan tashqari, QozDAQAda dotsent Nataliya Drobchenko va katta o‘qituvchi Tuba Fazliagaog‘lu tomonidan ochiq dars o‘tkazildi va u qozog‘istonlik professor-o‘qituvchilar tomonidan yuqori baholandi.