Mirzo UIug‘bek nomidagi Samarqand davlat arxitektura-qurilish universiteti “Mexanika muhandisligi” kafedrasi o‘qituvchilari Rustam Aymatov, Ulug‘bek Yakubov hamda magistrant Rustam Abdurashidov hamkor tashkilotlarga rejalashtirilgan dastur asosida tashrif buyurishdi.

Delegatsiyani “Hududgaz Samarqand” gaz ta’minoti filial korxonasi Nazorat va murojaatlar bilan ishlash bo‘limi yetakchi mutaxassisi Nazokat Ruziyeva kutib olib, korxonaning umumiy faoliyati bilan tanishtirdi. Shuningdek, Kasaba uyushmasi qo‘mitasi raisi Safarali Azizov va Texnika xavfsizligi bo‘limi xodimi Jasur Jumanov korxonaning ish jarayonlari, eski tizim va zamonaviy raqamlashtirilgan texnologiyalarni joriy etish bo‘yicha amalga oshirilayotgan islohotlarni tushuntirib berdi.

Kunning ikkinchi yarmida delegatsiya Samarqand shahridagi qayta rekonstruksiya qilingan va eng zamonaviy uskunalar bilan jihozlangan RK-1 qozonxonasi faoliyati bilan tanishdi. Qozonxona boshlig‘i Shuhrat Isoev mehmonlarga texnologik jarayonlarni batafsil tushuntirib, talabalar tomonidan berilgan savollarga javob berdi.