Xabaringiz bor Mirzo Ulug‘bek nomidagi Samarqand davlat arxitektura-qurilish universitetida “Orientation Week” tanishuv haftaligi boʻlib oʻtmoqda. Haftalik doirasida universitet rahbar xodimlari va talabalar oʻrtasida davra suhbatlari va boshqa tadbirlar oʻtkazilmoqda.

Bunday uchrashuvlardan biri universitetning “Iqtisodiyot va boshqaruv” fakulteti, “Biznesni boshqarish” kafedrasi va “Iqtisodiyot” kafedrasi hamda ishlab chiqarish korxonalari xodimlari bilan birgalikda tashkil etildi.

Fakultet dekani Mas’ud Eshmurodov, kafedra mudirlari Sherzod Jumanov, Mukammal Komilova, Samarqand shahar Soliq inspeksiyasi sayyor soliq tekshiruvlar bo‘limi boshlig‘i I.Sattorov, “Hurmat” MCHJ direktori F.Sirojov, “Yuksalish” MCHJning hisobchisi Sh.Abdualimov, “Iqtisodiyot” ta’lim yoʻnalishi va “Biznesni boshqarish” ta’lim yoʻnalishi birinchi boshqich talabalari oʻrtasida tanishuv uchrashuvi boʻlib oʻtdi.

Uchrashuvda ishlab chiqarish korxonalari xodimlari oʻz korxonalarining yutuqlari va kelgusidagi rejalari boʻyicha chiqishlar qildi va talabalarning qiziqtirgan savollariga javoblar berdilar.