Mirzo Ulug‘bek nomidagi Samarqand davlat arxitektura-qurilish universitetida “Universitet haftaligi” doirasida “UII Joint Architecture” - Xalqaro kuzgi maktabining yakuniy taqdimoti hamda taqdirlash marosimi o‘tkazildi.

Ushbu Xalqaro kuzgi maktab ishtirokchilari o‘tgan vaqt mobaynida Samarqand shahrining tarixiy qismidagi joylashgan mahallalar arxitekturasi tarixi bilan yaqindan tanishdilar, me’moriy kompozitsiya asoslarini o‘rgandilar, loyihalash jarayoni haqida tushunchaga ega bo‘ldilar.

Ko‘hna va navqiron Samarqand shahrida o‘tkazilgan maxsus kuzgi maktab dasturida Indoneziyaning Islom universitetidan 17 nafar talaba hamda 2 nafar professorlar hamda SamDAQUning Arxitektura va Madaniy meros obyektlarini asrash fakultetlaridan 16 nafar talaba hamda 4 nafar professor-o‘qituvchilar ishtirok etdilar.

Kuzgi maktabning so‘ngi kunida jamoalar o‘zlariga belgilangan hudud bo‘yicha yakuniy loyiha taqdimotlarini olib bordilar. Tadbir so‘ngida universitet rektori Dr. Chidem Turkyilmaz tomonidan ishtirok etgan barcha jamoa vakillariga sertifikat hamda esdalik sovg‘alari topshirildi.