Mirzo Ulug‘bek nomidagi Samarqand davlat arxitektura-qurilish universitetining “Madaniy meros obektlarini asrash” fakulteti professor-o‘qituvchilari – Elvira Jurayeva, Yulduz Nurmuradova va Fayoza Odilovalar tomonidan arxitektura-qurilish texnikumida master klass tashkil etildi.

Unda ustozlar madaniy merosni asrash sohasidagi dolzarb masalalar, shuningdek, universitetda bugungi kunda amalga oshirilayotgan islohotlar haqida batafsil ma’lumot berishdi.

Master klass darslari qiziqarli savol-javoblar, bilim almashinuvi bilan boy bo‘ldi va talabalar uchun yangi imkoniyatlar eshigini ochdi.

Texnikum talabalari uchun ushbu dars madaniy merosga bo‘lgan e’tiborni yanada kuchaytirgan holda, bilimlarini mustahkamlashga xizmat qildi.