Mirzo Ulug‘bek nomidagi Samarqand davlat arxitektura-qurilish universiteti rektori Dr. Chidem Janbay Turkyilmaz O‘zbekiston Respublikasi Oliy ta’lim fan va innovatsiyalar vazirligi tomonidan “OLIY TA’LIM A’LOCHISI” ko‘krak nishoni bilan taqdirlandi.

 Mazkur nishon Oliy ta’lim sohasidagi yuksak xizmatlari uchun berildi. Ta’kidlash joizki, ushbu mukofotni Oliy ta’lim fan va innovatsiyalar vaziri Qo‘ng‘irotboy Sharipov shaxsan o‘zi topshirdi. Bu taqdirlash tadbiri rektorning ta’lim va ilm-fan sohasidagi ulkan mehnatini e’tirof etishning yana bir yorqin misoli bo‘ldi.

 Rektor Dr. Chidem Janbay Turkyilmazning ushbu yutuqlari universitetimizni yanada yuksaltirish, ta’lim sifatini oshirish va ilmiy izlanishlarni rivojlantirish yo‘lida qilgan sa’y-harakatlarining samarasidir.