ISH TAVSIFI:

Samarqand davlat arxitektura-qurilish universiteti “Libos va gazlamalar” kafedrasiga professor-o‘qituvchilarni ishga qabul qiladi.

Biz moda (liboslar) dizayniga ishtiyoqi baland, o‘zini ta’lim berishga bag'ishlagan va ushbu sohada ilmiy-tadqiqot va ijodiy amaliyotni rivojlantirishni maqsad qilgan professor-o‘qituvchilarni ishga olamiz. Muvaffaqiyatli nomzodlar yuqori sifatli ta'lim berish, talabalarda soha bo‘yicha ko‘nikmalar hosil qilish, shuningdek innovatsion o‘quv dasturlarini ishlab chiqishga o‘z hissasini qo‘shish imkoniyatiga ega bo‘lishadi.

MAJBURIYATLARI:

1.      Dizayn tamoyillari, liboslar qurilishi, moda illyustratsiyasi, to‘qimachilik dizayni va moda marketingi, shu jumladan, lekin faqat shular bilan cheklanmagan holda, moda dizayni bo‘yicha bakalavriat va magistratura bosqichi fanlarini ishlab chiqish va o‘qitish.

2.      Talabalarga ta’lim va karyera masalalari bo‘yicha maslahat va yo‘l-yo‘riqlar berish.

3.      Moda dizayni sohasida ilmiy tadqiqot olib borish va ilmiy faoliyat bilan shug'ullanish.

4.      O‘quv dasturlarini ishlab chiqish va o‘quv dasturlarini doimiy ravishda takomillashtirishga hissa qo‘shish.

5.      Kafedra va universitet tomonidan beriladigan topshiriqlarni bajarish, shuningdek, turli jamoat tadbirlarida va qabul komissiyasi tarkibida faoliyat olib borish.

6.      Kafedraning moda sanoati bilan aloqalarini rivojlantirish maqsadida sanoat korxonalari bilan hamkorlik qilish.

7.      Moda dizayni bo‘yicha faol professional amaliyotni davom etirish va sanoat tendentsiyalari va texnologiyalaridan xabardor bo‘lish.

MALAKA TALABLARI:

1.      Moda dizayni, to‘qimachilik dizayni yoki shu kabi turdosh mutaxassisliklar bo‘yicha magistr yoki falsafa doktori (PhD) darajasiga ega bo‘lish.

2.      Universitet darajasida ta’lim berish tajribasiga ega bo‘lish.

3.      Moda dizayni bo‘yicha professional ish va ijodiy amaliyotni namoyish qiluvchi kuchli portfolioga ega bo‘lish.

4.      Zamonaviy moda dizayni dasturlari va texnologiyalari (masalan, Adobe Creative Suite, CLO 3D va boshqalar) bilan ish tajribasiga ega bo‘lish.

5.      Ilmiy nashrlar, ko‘rgazmalar yoki boshqa ilmiy va ijodiy ishlarga ega bo‘lish.

6.      A’lo darajadagi muloqot va shaxslararo ko‘nikmalarga ega bo‘lish.

7.      Hamkasblar bilan jamoaviy ishlash va ijobiy akademik muhitga hissa qo‘shish qobiliyatiga ega bo‘lish.

1.      Professor lavozimini egallash uchun tanlovda, qoidaga ko‘ra,

·         professor ilmiy unvoniga yoki fan doktori ilmiy darajasiga, shuningdek tegishli mutaxassislik bo‘yicha xorijiy mamlakatlarning unga tenglashtirilgan boshqa ilmiy darajalariga ega bo‘lgan shaxs ishtirok etishi mumkin.

·         tanlovda fan nomzodi, falsafa doktori ilmiy darajasiga yoki tegishli mutaxassislik bo‘yicha xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan shaxs kamida 5 yil ilmiy-pedagogik ish stajiga ega bo‘lish, ushbu kafedraning ta’lim yo‘nalishlari bo‘yicha darsliklar va o‘quv qo‘llanmalari muallifi bo‘lish sharti bilan bir besh yil muddatga ishtirok etishi mumkin.

·         Shuningdek, professor lavozimini egallash uchun Professor-o‘qituvchilar faoliyatini baholash mezonlari (KPI) jadvalida ko‘rsatilgan San'at va dizayn sohalari uchun minimal va maksimal ballar jadvalida ko‘rsatilgan tegishli minimal ballga ega bo‘lgan shaxs hujjat topshirishi mumkin.

2.      Dotsent lavozimini egallash uchun tanlovda, qoidaga ko‘ra,

·         dotsent ilmiy unvoniga, katta ilmiy xodim yoki fan doktori (nomzodi) yoki falsafa doktori ilmiy darajasiga, shuningdek tegishli mutaxassislik bo‘yicha xorijiy mamlakatlarning falsafa doktori (Ph.D) yoki unga tenglashtirilgan boshqa ilmiy darajalariga ega bo‘lgan shaxs ishtirok etishi mumkin.

·         Shuningdek, dotsent lavozimini egallash uchun Professor-o‘qituvchilar faoliyatini baholash mezonlari (KPI) jadvalida ko‘rsatilgan San'at va dizayn sohalari uchun minimal va maksimal ballar jadvalida ko‘rsatilgan tegishli minimal ballga ega bo‘lgan shaxs hujjat topshirishi mumkin.

3.      Katta o‘qituvchi lavozimini egallash uchun tanlovda

·         oliy ma’lumotga ega bo‘lgan shaxs (magistr, diplomli mutaxassis), shuningdek ilmiy daraja (shu jumladan, fan nomzodi, falsafa doktori, tegishli mutaxassislik bo‘yicha xorijiy mamlakatlarning falsafa doktori (PhD) darajasiga yoki unga tenglashtirilgan boshqa ilmiy darajalariga) va ilmiy unvonga ega bo‘lgan hamda bunday daraja va unvonga ega bo‘lmagan, biroq o‘qituvchilik, ilmiy-tadqiqot va ishlab chiqarish ishlari tajribasiga ega bo‘lgan shaxslar ham qatnashishi mumkin.

·         Shuningdek, katta o‘qituvchi lavozimini egallash uchun Professor-o‘qituvchilar faoliyatini baholash mezonlari (KPI) jadvalida ko‘rsatilgan San'at va dizayn sohalari uchun minimal va maksimal ballar jadvalida ko‘rsatilgan tegishli minimal ballga ega bo‘lgan shaxs hujjat topshirishi mumkin.

4.      O‘qituvchi  lavozimini egallash uchun tanlovda

·         kamida 3 yillik amaliy ish tajribasiga, tegishli mutaxassislik bo‘yicha oliy ma’lumotga ega bo‘lgan shaxs (magistr, diplomli mutaxassis) qatnashishi mumkin.

5.      Stajyor-o‘qituvchi lavozimini egallash uchun tanlovda tegishli mutaxassislik bo‘yicha oliy ma’lumotga ega bo‘lgan shaxs (magistr, diplomli mutaxassis) qatnashishi mumkin.

USTUNLIK BERILADI:

1.      Moda sanoatida professional tajribaga ega bo‘lganlar uchun.

2.      O‘quv rejasini ishlab chiqish va dasturlarni baholash tajribasiga ega bo‘lganlar uchun.

3.      Barqaror moda amaliyotlari va innovatsiyalari bilan tanish bo‘lganlar uchun.

4.      Moda dizayni bilan bog'liq professional tashkilotlarga a'zo bo‘lganlar uchun.

KERAKLI HUJJATLAR:

Tanlovda ishtirok etish istagini bildirgan nomzod Universitetning Xodimlar bo‘limiga quyidagi hujjatlarini topshiradi:

·         ariza;

·         shaxsiy varaqa (ma’lumotnoma-obyektivka/rezyume);

·         diplom nusxasi (bakalavr, magistr), shuningdek chet elda olingan diplomni tan olish va nostrifikasiyadan oʻtganligini tasdiqlovchi guvohnoma (oliy yoki o‘rta maxsus, kasb-hunar ta’lim muassasalarining bitiruvchi kurslarida ta’lim olayotganlar bundan mustasno);

·         fuqarolik pasporti yoki ID kartasi;

·         Professor-o‘qituvchilar faoliyatini baholash mezonlari (KPI) jadvalida ko‘rsatilgan tegishli talablarni bajarganligini asoslovchi hujjatlar;

·         xorijiy til (ingliz tiliga ustunlik beriladi) ni bilish darajasini asoslovchi sertifikat;

·         nomzodning ilmiy daraja, ilmiy unvon, shuningdek, ilmiy ishlar va ixtirolari mavjud bo‘lgan taqdirda ularga tegishli diplomlar, diplom nusxalarini va ilmiy ishlar ro‘yxatini, malaka oshirish to‘g’risidagi guvohnomalarni taqdim etishlari kerak.

·          

Quyidagilarga tanlovda qatnashishga yo‘l qo‘yilmaydi:

·         o‘n olti yoshga to‘lmagan shaxslar;

·         belgilangan tartibda muomalaga layoqatsiz yoki muomala layoqati cheklangan deb topilgan shaxslar;

·         Universitetda mehnat faoliyatini olib borayotgan xodim bilan yaqin qarindosh yoki quda-anda bo‘lsa (ota-onalar, aka-ukalar, opa-singillar, farzandlar, er-xotinlar, shuningdek er-xotinlarning ota-onalari, aka-ukalari, opa-singillari va farzandlari), agar ishga qabul qilinayotgan yoki tayinlanayotgan lavozim ulardan biri ikkinchisiga bevosita bo‘ysunib yoki uning nazorati ostida xizmat qilishni taqozo qilsa;

·         ishga kirish uchun soxta hujjatlar yoki bila turib yolg’on ma’lumotlar taqdim etgan bo‘lsa;

·         sudlanganlik holati tugallanmagan yoki sudlanganligi olib tashlanmagan shaxslar;

·         qonun hujjatlarida belgilangan boshqa holatlar.

ARIZA TOPSHIRISH MUDDATI:

24.07.2024-yildan 24.08.2024-yilgacha.

Tushuntirish

1.                 Kafedra professor-o‘qituvchilari faoliyatini baholash mezonlari (KPI) va Ilmiy darajalar mezonlari jadvali Universitetning Xodimlar bo‘limidan olinadi.

SamDAQU – jamoada xilma-xillik va inklyuzivlikni qo‘llab-quvvatlashga intiladigan teng imkoniyatlarga ega ish beruvchidir.

Murojaat uchun: Samarqand viloyati, Samarqand shahri, lolazor ko‘chasi, 70-uy.

Telefon: +998(66) 231-02-95

Faks: (0366) 237-26-30

E-mail: samdaqu@edu.uz