Mirzo Ulug‘bek nomidagi Samarqand davlat-arxitektura-qurilish universiteti katta faollar zalida “Talaba klublari taqdimoti” tadbiri tashkil etildi.

Tadbirda Talaba klublari bo‘limi boshlig‘i Charos Xushmurodova, 5 muhim tashabbus yo‘nalishidagi umumiy klublar koordinatori Ikrom Davurov, yoshlar ittifoqi universitet yetakchisi Zabihulloh Hamidulloyev, yoshlar akademiyasi lideri Azizbek Mahmudov, universitet psixologi Umida Najmiyeva, talabalar dekani o‘rinbosarlari va xodimlari, tyutorlar va barcha qiziquvchi talaba-yoshlar ishtirok etdilar.

Unda jami 26 ta klub, shundan 11 ta 5 tashabbus yo‘nalishidagi, 11 ta mutaxassislik yo‘nalishidagi va 4 ta alohida klublar taqdimoti bo‘yicha ma’lumotlar berildi.

Xususan, “Ulug‘bek yulduzlari” vokal ansambli tomonidan ulashilgan kuy-qo‘shiqlar barchani xushnud etgan bo‘lsa, yangi tashkil etilgan “Stend-UP” klubi koordinatori Ikrom Davurov tomonidan aytilgan hazillar barchaga xushkayfiyat baxsh etdi.