Xabaringiz bor Turkiya Respublikasida Oliy ta’lim vakillari o‘rtasida Turkiya-O‘zbekiston III ta’lim forumi o‘tkazilmoqda.

Ushbu forum doirasida Mirzo Ulug‘bek nomidagi Samarqand davlat arxitektura-qurilish universiteti rektori Dr. Chidem Turkyilmaz tomonidan Turkiyaning bir qator oliy ta’lim muassasalari bilan hamkorlik aloqalari o‘rnatildi.

Jumladan, Turkiyaning Istanbul Cerrahpasa davlat universiteti, Anqara universiteti, Qora dengiz texnika universiteti, Yaqin Sharq texnika universiteti va Izmir texnologiya instituti rahbarlari bilan muzokaralar o‘tkazildi. Ta’lim sohasidagi ilg‘orlik, ilmiy aloqalar va xalqaro hamkorlikni rivojlantirish maqsadida o‘zaro manfaatli sohalarda akademik va ilmiy hamkorlikni yo‘lga qo‘yishga kelishib olindi.

Imzolangan o‘zaro manfaatli hamkorlik memorandumlarida ikki oliy ta’lim o‘rtasida fakultetlar va kafedralar o‘rtasidagi hamkorlik va aloqalarni rag‘batlantirishda talabalar almashinuvi (bakalavr va/yoki doktorantura), xodimlar va professor-o‘qituvchilar almashinuvi, doktorantlarning birgalikdagi ilmiy ishlar olib borishlari, qo‘shma tadqiqot faoliyati, nashrlar, hisobotlar va boshqa akademik ma’lumotlar almashinuvi hamda o‘zaro kelishilgan boshqa tadbirlar olib borilishi ko‘zda tutilgan.