Samarqand davlat arxitektura – qurilish universiteti Xorijiy tillar kafedrasi 1966 yildan Samarqand davlat arxitektura – qurilish instituti tarkibida “Tillar” kafedrasi sifatida faoliyat boshlagan.

Kafedra institut Tillar kafedrasi tasarrufidan 1969-yilda ajralib, “Rus va chet tillari” nomi bilan ish boshlagan. Keyinchalik “O‘zbek va rus tillari” qo‘shilib “Tillar” kafedrasi deb nomlandi. 2011-2015 yillar kafedra “Tillarni o‘rganish”, 2015-2018 “Chet tillar”, 2018-2020 yillar “Oʻzbek va xorijiy tillar” deb nomlangan.

2020 yilning noyabr oyidan boshlab ushbu kafedra “Xorijiy tillar” kafedrasi nomi bilan faoliyat olib bormoqda. Kafedrada:

1969-1972 yillarda

1. Filologiya fanlari nomzodi, dotsent –M.A.Pekler;

2. Katta o‘qituvchi  – A.B.Kostyushkin;

3. Katta o‘qituvchi – V.L.Semchenko;

4. Pedagogika fanlari nomzodi, dotsent – D.R. Ortiqov;

1972-1996 yillarda

5. Filologiya fanlari nomzodi, dotsent – X.Saitqulov;

1996-1998 yillarda

6. Pedagogika fanlari doktori, professor – N.S. Safarov;

1998-2005 yillarda

7. Filologiya fanlari nomzodi, dotsent – S.X.Obloqulova;

2005-2013 yillarda

8. Filologiya fanlari nomzodi, dotsent – B.M.Axmedova;

2013-2015 yillarda

9. O‘qituvchi – D.E. Mansurova;

2016-2022 yillarda

10. Katta oʻqituvchi – M.E. Kenjayev;

2022-2023 yillarda

11. Katta oʻqituvchi – U.U. Sayfullayevalar kafedra mudiri lavozimida faoliyat yuritgan.

2023 yilning noyabr oyidan boshlab hozirgacha dotsent Kenjayev Mirzoxid Ergashevich kafedra mudiri lavozimida ishlab kelmoqda.

Xorijiy tillar kafedrasi professor – o‘qituvchilari ingliz, nemis va fransuz tillaridan amaliy mashg‘ulot olib boradilar.

Hozirgi kunda kafedrada 3 nafar dotsent, 2 nafar v.b.dotsent, 10 nafar katta o‘qituvchi, 4 nafar o‘qituvchi jami – 19 nafar professor – o‘qituvchi hamda 1 nafar o‘quv yordamchi xodimlar faoliyat ko‘rsatib kelmoqda.

Xorijiy tillar kafedrasi professor – o‘qituvchilarinig o‘rtacha yoshi 39 yosh bo‘lib, ilmiy salohiyat 17 % ni tashkil etadi.

O‘tgan davr ichida o‘quv jarayonini yaxshilash, professor-o‘qituvchilar tarkibini yangilash, ularni yosh va iqtidorli olimlar bilan to‘ldirish choralarini ko‘rish, ta’lim sifatini oshirish va talabalarni bilim darajasini yanada yaxshilash to‘g‘risidagi ko‘rsatmalarni bajarilishini ta’minlash ishlariga alohida e’tibor qaratilmoqda.

O‘zbekiston Respublikasining “Ta’lim toʻgʻrisida”gi Qonuni, O‘zbekiston Respublikasi Prezidentining “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida” 2021-yil 19-maydagi PQ-5117-son Oʻzbekiston Respublikasi Prezidentining 2022-yil 8-noyabrdagi PQ-416 son qarorining 2-ilova universitetni transformatsiya qilish va kompleks rivojlantirish boʻyicha Yoʻl haritasining 4 bandi ijrosini ta’minlash maqsadida kafedra professor-o‘qituvchilari “Xorijiy til” fanlaridan joriy qilingan o‘quv kurslarida muntazam qatnashib, Xorijiy tilllarni qo‘shimcha o‘rganish va o‘rgatishga harakat qilmoqdalar.

Kafedrada o‘qish sifatini yanada oshirish uchun yangi o‘quv adabiyotlari bilan ta’minlash, yangi avlod o‘quv adabiyotlarini yaratish ishlari ham yuqori sur’atlarda olib borilmoqda. Jumladan, so‘nggi 10 yil maboynida 30 dan ortiq o‘quv-uslubiy qo‘llanmalar, monografiyalar, lug‘atlar, so‘zlashgichlar va 300 dan ortiq ilmiy maqolalar chop etilgan bo‘lib, universitetda va turdosh oliy ta’lim muassasalari qo‘llanma sifatida keng foydalanib kelinmoqda. Shulardan 10 ta oʻquv qoʻllanma, 3 ta darslik, 6 ta monografiya, OAK roʻyhatidagi jurnallarda 26 ta ilmiy maqola va xalqoro SCOPUS ba’zasiga kiritilgan jurnallardagi 8 ta ilmiy maqolalar soʻnggi ikki yil ichida bajarilgan.

Shuningdek, kafedralarda kunning ikkinchi yarmida bajariladigan ilmiy tadqiqot ishlari universitet ilmiy kengashi tomonidan tasdiqlangan mavzular asosida muntazam olib borilmoqda.

Hozirgi kunda kafedra dotsentlari M.E. Kenjayev va D.Sh.Ibragimovalar hamda katta oʻqituvchilar R.T.Eshmamatov, N.B.Zayniyeva, S.S. Buriyeva, I.R.Raximova, F.E.Otamurodovalar mustaqil izlanuvchi sifatida ilmiy izlanishlar olib bormoqda.

Kafedra manzili: SamDAQU, bosh bino, 3 qavat, 313 xona

Kafedrada faoliyat olib borayotgan professor – o‘qituvchilar va o‘quv yordamchi xodimlar haqida qisqacha

MA’LUMOT